Fjármálastjóri í hlutastarfi

Flest lítil og meðalstór fyrirtæki þurfa ekki fjármálastjóra í fullt starf. Þau þurfa hins vegar að vita hvert lausafé stefnir næstu sex mánuði, hvaða vörur skila raunverulegri framlegð og hvað gerist ef stærsti viðskiptavinurinn hættir. Þar kem ég inn.

Hvað þú færð

• Aðgang að reynslu fjármálastjóra án þess að ráða í fullt starf.
• Rekstrarlíkan og fjárhagsáætlun sem heldur - tengt raungögnum úr bókhaldskerfinu, ekki einangrað Excel-skjal sem úreldist í fyrsta mánuði.
• Regulega stjórnendaskýrslu — frávik gagnvart áætlun, skýringar á þeim og hvað þarf að gera. Í Power BI eða Excel, eftir því hvað hentar þínu kerfi.
• Lausafjárspá með 3-12 mánaða sjóðstreymi og næmnigreiningu á forsendum sem raunverulega hreyfa útkomuna.
• Ákvarðanastuðning við verðlagningu, fjármögnun, verðmat og samningaviðræður við banka eða fjárfesta.

Hvað er ekki innifalið

Bókhald, launavinnsla og reglubundin skil. Ég vinn með þínum bókara eða endurskoðanda - ég kem ekki í staðinn fyrir þá. Fókusinn er á það sem gerist eftir að tölurnar eru komnar í kerfið.

Fyrirkomulag

Fast mánaðarlegt umfang - allt frá einum degi í mánuði upp í þrjá daga í viku - eða afmarkað verkefni með skýrri afhendingu. Þú borgar fyrir þekkinguna en ekki stöðugildið.

Fyrsta skrefið

Klukkutíma samtal, þér að kostnaðarlausu. Þú lýsir stöðunni, ég spyr þeirra spurninga sem skipta máli. Í lok samtalsins veistu hvar veikleikarnir liggja í fjármálastjórninni og hvað kostar að laga þá. Sú greining er þín, hvort sem við vinnum saman eða ekki.

‍